УИХурлын Байгаль орчин, хүнс, хөдөө аж ахуйн байнгийн хорооны тогтоолын дагуу ХХААХҮ-ийн сайдын тушаалаар батлагдсан Дэд сайд М.Ганхүлэгээр ахлуулсан ажлын хэсэг 2023.10.11-ний өдөр тус тосгонд ажиллалаа.

Албаны төлөөлөл аймаг дундын отрын бүс нутгийн нөхцөл байдалтай танилцан, малчид иргэдэд тулгамдаж буй асуудал, саналыг сонсож, мэдээлэл солилцон ажиллалаа.

Иргэд, малчдын зүгээс отрын бүсэд бусад аймгаас өвчтэй мал ихээр ирж байгаа, халдварт өвчин тархах эрсдэлтэй, бэлчээрийн даац олон дахин хэтэрсэн, сэг зэм устгал дутуу хийгдсэн, отрын бүсээс чөлөөлүүлэх зэрэг асуудлуудыг онцолж байлаа.